Tabula Rasa?

Tabula Rasa?

In verlede Saterdag se BY reageer Dr Christiaan Bezuidenhout op die swaard-moord. Dr Bezuidenhout is ‘n kriminoloog verbonde aan Tukkies.

Hy maak ‘n aantal gemeenplasige opmerkings wat geldig kan wees of nie, daar is geen stawende verwysings na gesaghebbende studies nie. Ek lewer nie kommentaar op die geldigheid van die opmerkings nie.

Hier is ‘n voorbeeld;

“Die meerderheid van die jeugdiges in Suid-Afrika kom egter uit die middel- tot laer klas, wat nie hiedie vertoonware kan bekostig nie. Hulle is gefrustreerd omdat hulle ook smag na die toebehore, klere en ontwerper-donkerbrille, maar dit nie kan hê nie. Die maklikste manier om dit wel te bekom, is om te innoveer. Dit beteken baie jeugdiges sal steel of by bendes betrokke raak om dieselfde materialistiese elemente te bekom.”

Sy hele betoog klink soos na folk lore-agtige algemene wyshede.

Maar die clincher kom aand die end:

“‘n Kind kom tabula rasa (geen inligting in die brein nie) in die wêreld. Wat in die brein ingeprent word, hang van die aard van die kind se sosialisering af.”

Ek vind dit verstommend dat, ondanks moderne navorsing, daar nog steeds beweer kan word dat ‘n mens tabula rasa die wêreld binnekom.

As ‘n beginpunt kan ek aanbeveel dat hy Steven Pinker se “How the mind works” lees, en die talle verwysings van veral hoofstuk 5 opvolg.

Enige beleid wat uit sulke foutiewe fondamente spruit kan hoogs gevaarlik wees …

 Foto:
http://www.code-flow.net/fake/img/tabula_rasa.jpg