Category Archives: poetry

Afwagting.

fire-wk

Afwagting

Hulpeloos en redeloos
Wag hulle op die Kaptein.

Dorstiges na kennis
Wag op die reën.

Filosowe en misantrope
Wag op Godot.

Gelowiges en twyfelaars
Wag op die Here van Psalm 130.

Maar ons digters en sondaars
Wag (stoïes) op die vuur.

 ©vuurklip 24 Januarie 2017.
n.a.v. ‘n werk van William Kentridge.
Dit stel ‘n dennebol voor met die titel
Waiting for the fire” soos gesien in
die Goodman Gallery.
Kentridge is een van die belangrikste
kunstenaars van ons tyd.

Advertisements

2 Comments

Filed under gedigte, poetry

Goud en Silwer

valsbaai

Skaawagter het in kommentaar op my vorige inskrywing gesê:
Die see lyk soos gesmelte silwer, seker die stilte voor die volgende storm.

Dit inspireer toe die volgende kwatryn:

Die see is van silwer,
En soms ook van goud.
Die bron van die lewe
En die wêreld se sout!

©vuurklip

6 Comments

Filed under gedigte, poetry

Help-my-spel

spelling

Eye halve a spelling chequer
It came with my pea sea
It plainly marques four my revue
Miss steaks eye kin knot sea.

Eye strike a key and type a word
And weight four it two say
Weather eye am wrong oar write
It shows me strait a weigh.

As soon as a mist ache is maid
It nose bee fore two long
And eye can put the error rite
Its rare lea ever wrong.

Eye have run this poem threw it
I am shore your pleased two no
Its letter perfect awl the weigh
My chequer tolled me sew.

Bostaande weergawe is na my mening beter en slimmer as die een hier:
http://grammar.about.com/od/spelling/a/spellcheck.htm

3 Comments

Filed under humor, humour, poetry

Dertig Silverstukke

silwer

Dertig Silwerstukke

Ons betaal
Met die bloedgeld
Van ons daaglikse bestaan
Vir ‘n akkertjie in die grond
Van die Pottebakker.

©vuurklip 24 Mei 2015
Matt. 27: 7-10

1 Comment

Filed under gedigte, poetry

The life that I have …

leomarks

‘n Aangrypende gedig uit die Tweede Wereldoorlog deur Leo Marks.

Dit is ironies dat Marks op 81 jarige ouderdom oorlede is en dat die gedig vir sy vriendin Ruth geskryf is – sy het in 1943 in Kanada in ‘n vliegongeluk omgekom.

The life that I have
Is all that I have
And the life that I have
Is yours.

The love that I have
Of the life that I have
Is yours and yours and yours.

A sleep I shall have
A rest I shall have
Yet death will be but a pause.

For the peace of my years
In the long green grass
Will be yours  and yours and yours.

2 Comments

Filed under gedigte, poetry

Speeltoneel

gordyn

Speeltoneel

Speeltoneel

Die gordyn gaan op,
Die geroesemoes verstil
En daar, blootgelê is ons verhoog.
‘n Verhoog waarop ons
Aanstonds sal verskyn.

Ons wat ‘n afwesige dramaturg
Se wil moet volg.
Ons wat ‘n afwesige regisseur
Se opdragte moet uitvoer.
Ons die marionette aan toutjies.

Stilweg sal ons weer verdwyn
As die finale gordyn vir ons sak.

©vuurklip
3 Mei 2015

5 Comments

Filed under gedigte, literature, poetry

Treinreis

locoTreinreis

Knus in ons koepee,
Op die groen leerbanke van weleer,
Reis ons saam
Na ‘n bestemming ver, ver weg.

Die stasies agter ons
Is net ‘n vae herinnering,
Die ander stasies
Nog ver in die verskiet.

Ons leef net vir die suisende wind,
Die bruisende stoom,
Die bollende rook
En die dawerende wiele op die spoor.

Laat die eindpunt maar kom!

©vuurklip
22 April 2015

2 Comments

Filed under gedigte, literature, poetry

Winterreise

solstice

Winterreise

Sneeu skif teen die hoogtes.
Die Son struikel op na die middaguur.
‘n Lang somer se spore word toegesneeu.
Die lente net ‘n vae herinnering.

Die dag-en-nag ewening is verby
En die sonstilstand is hier om te bly.

©vuurklip
2 Maart 2015

Winterreise – ‘n Lieder siklus van Franz Schubert.
Dag-en-nag ewening – Equinox.
Sonstilstand – Solstice. Hier die Winter Solstice.

 

8 Comments

Filed under gedigte, poetry

Uitsigloos

dom

Domkerk in Keulen

Uitsigloos

Vasgevang in die alledaagse
Van inkopies, vloere vee,
Koskook en ‘n oorvol job jar,
Is daar weinig ontvlugting.

Besoeke aan ‘n lang wenslys
Van museums en stede
Is ons nie beskore:
Die Louvre, Londen, Praag, Parys
En al die ou meesters
Is helaas vir ons verlore.

Ons ervaar die eksotiese
Deur die geromantiseerde belewenis
Van fiksionele avonturiers
In films, teaters en romans.

“The bleak light of day”
Brideshead RevisitedEvelyn Waugh

“We live our lives vicariously” – vuurklip
©vuurklip

6 Comments

Filed under gedigte, literature, poetry

Uitsig

window

Uitsig

Uitsig

‘n Huis met vensters,
Vensters om ver uit te kyk:
Ver oor berg en see.

Ons sien die kom en gaan,
Die kom en gaan van die lewe,
Die lewe by ons vensters verby.

Ons kyk net na buite,
Terwyl die lewe agter die ruite
Ons ongemerk ontgaan.

©vuurklip 19 Desember 2014

8 Comments

Filed under gedigte, poetry